№ OS-NAMUNA
MAHSULOT YETKAZIB BERISH (OLDI-SOTDI) SHARTNOMASI
(O'zbekiston Respublikasi Fuqarolik Kodeksining 437-456-moddalari talablari asosida)
Bundan buyon matnda «Sotuvchi» deb yuritiluvchi ______________, Ustav asosida ish yurituvchi rahbari ______________ nomidan bir tomondan, va bundan buyon matnda «Xaridor» deb yuritiluvchi ______________, Ustav asosida ish yurituvchi rahbari ______________ nomidan ikkinchi tomondan, birgalikda «Tomonlar» deb ataluvchilar, O'zbekiston Respublikasining Fuqarolik kodeksi hamda amaldagi qonun hujjatlariga asosan mazkur shartnomani quyidagilar to'g'risida tuzdilar:
1. SHARTNOMA PREDMETI VA MAHSULOTLAR SPETSIFIKATSIYASI
1.1. Sotuvchi mazkur Shartnomada ko'rsatilgan tovarlarni (mahsulotlarni) Xaridorning mulkiga yetkazib berish, Xaridor esa ushbu tovarlarni qabul qilish va ularning haqini o'z vaqtida to'lash majburiyatini oladi.
1.2. Yetkazib beriladigan tovarlarning assortimenti, miqdori va bahosi quyidagi jadvalda (Spetsifikatsiyada) belgilanadi:
2. SHARTNOMA BAHOSI VA TO'LOV TARTIBI
2.1. Mazkur Shartnomaning umumiy qiymati 0 (nol) so'mni tashkil etadi.
2.2. To'lov shartlari: ______________.
2.3. Barcha hisob-kitoblar Xaridor tomonidan Sotuvchining bank hisobvarag'iga to'lov topshiriqnomasi orqali pul o'tkazish yo'li bilan milliy valyuta — so'mda amalga oshiriladi.
3. TOVARLARNI YETKAZIB BERISH SHARTLARI
3.1. Sotuvchi tovarlarni shartnomada belgilangan dastlabki to'lov kelib tushgan kundan boshlab ______________ Xaridorning omboriga yetkazib beradi.
3.2. Tovarlar qabul qilingach, Tomonlar o'rtasida elektron hisobvaraq-faktura (EHF) va topshirish-qabul qilish dalolatnomasi rasmiylashtiriladi.
4. SIFAT KAFOLATI VA TOMONLARNING JAVOBGARLIGI
4.1. Sotuvchi yetkazib berilgan tovarlarning amaldagi davlat standartlari (GOST / O'zDSt) hamda sifat talablariga to'liq javob berishini kafolatlaydi. Kafolat muddati — tovar qabul qilingan kundan boshlab 12 (o'n ikki) oy.
4.2. Yetkazib berish muddati buzilgan taqdirda, Sotuvchi Xaridorga kechiktirilgan har bir kun uchun yetkazilmagan tovar qiymatining 0,5 foizi miqdorida, lekin yetkazilmagan tovar qiymatining 50 foizidan ko'p bo'lmagan miqdorda penya to'laydi.
4.3. To'lov muddati buzilgan taqdirda, Xaridor Sotuvchiga kechiktirilgan har bir kun uchun o'z vaqtida to'lanmagan summaning 0,4 foizi miqdorida, lekin kechiktirilgan to'lov summasining 50 foizidan ko'p bo'lmagan miqdorda penya to'laydi.
4.4. Penya to'lanishi Tomonlarni majburiyatlarni asl holida bajarishdan ozod qilmaydi.
5. FORS-MAJOR HOLATLARI
5.1. Tomonlar yengib bo'lmaydigan kuch holatlari (tabiiy ofat, yong'in, epidemiya, harbiy harakatlar, davlat organlarining majburiy qarorlari va boshqa favqulodda holatlar) natijasida majburiyatlarni bajarmaganlik uchun javobgarlikdan ozod qilinadi.
5.2. Bunday holatlar yuzaga kelgan Tomon 10 (o'n) kun ichida ikkinchi Tomonni yozma ravishda xabardor qilishi va vakolatli organ tomonidan berilgan tasdiqlovchi hujjatni taqdim etishi shart.
5.3. Fors-major holatlari 2 (ikki) oydan ortiq davom etsa, har bir Tomon shartnomani bir tomonlama bekor qilishga haqli; bunda bekor qilingan kungacha bajarilgan majburiyatlar bo'yicha hisob-kitob qilinadi.
6. NIZOLARNI HAL QILISH TARTIBI
6.1. Shartnomadan kelib chiqadigan nizolar Tomonlar o'rtasida muzokaralar va talabnoma (pretenziya) tartibida hal qilinadi. Talabnoma olingan kundan boshlab 15 (o'n besh) kun ichida ko'rib chiqilishi va unga yozma javob berilishi lozim.
6.2. Kelishuvga erishilmagan taqdirda nizo O'zbekiston Respublikasi qonunchiligida belgilangan sudlovlilik bo'yicha tegishli iqtisodiy sudda ko'rib chiqiladi.
7. YAKUNIY QOIDALAR
7.1. Shartnoma Tomonlar imzolagan kundan kuchga kiradi va Tomonlar o'z majburiyatlarini to'liq bajargunga qadar amal qiladi.
7.2. Shartnomaga o'zgartish va qo'shimchalar yozma shaklda rasmiylashtirilib, Tomonlar imzolagan taqdirdagina haqiqiy hisoblanadi.
7.3. Shartnomada nazarda tutilmagan masalalar O'zbekiston Respublikasi qonunchiligiga muvofiq hal qilinadi.
7.4. Shartnoma bir xil yuridik kuchga ega bo'lgan ikki nusxada, har bir Tomon uchun bittadan tuzildi.